Tildelingsbrev for 2023
Jernbanedirektoratet har fått tildelingsbrev frå Samferdselsdepartementet for 2023. I tildelingsbrevet blir måla for jernbanesektoren i 2023 trekt opp og korleis Jernbanedirektoratet skal arbeide for å nå desse nærare definert. Det overordna målet for transportpolitikken er eit effektivt, miljøvennleg og trygt transportsystem i 2050.
Betre handtering ved avvik og betre informasjon er eit prioritert område i 2023. (Foto: Njål Svingheim)
Det er også fastsett følgjande mål for transportsektoren:
- Meir for pengane
- Effektiv bruk av ny teknologi
- Bidra til oppfylling av Noregs klima- og miljømål
- Nullvisjon for drepne og hardt skadde
- Enklere reisekvardag og auka konkurranseevne for næringslivet.
Viktige mål i 2023
I tildelingsbrevet trekkjer også departementet fram desse måla som særleg viktige i 2023:
- Direktetildele togtilbodet som ikkje er konkurranseutsett innanfor rammene av gjeldande regelverk, slik at tilbodet kan tildelast innan 25. desember 2023
- Handtere og styre risiko knytt til mellom anna kraftig kostnadsvekst, forseinkingar av leveransar og utrulling av ERTMS. Som ein del av dette, -utvikle eit betre risikostyringssystem for sektoren samla sett
- Koordinere og følgje opp arbeidet med driftsstabilitet og avvikshandtering
- Bidra til Samferdselsdepartementets arbeid med Nasjonal transportplan 2025–2036 og gjennomgangen av jernbanesektoren.
Vedlegg: