Endringar i sosiale rabattar
Frå 1. juli trer justeringar i dei landsomfattande sosiale rabattane på billettar i kraft.
Samferdselsdepartementet vedtok justeringane i dei landsomfattande sosiale rabattane etter anbefalingar frå Jernbanedirektoratet. Endringane skjer med virkning frå 1. juli 2026.
Dette er endringane:
- Lærlingar blir inkludert i studentrabatten.
- Ektefellerabatten knytt til honnørrabatten blir fjerna.
- Minstetaksten for militært personell i førstegangsteneste blir presisert.
- Følgje til personar med dokumentert behov får rett til gratis reise med kollektivtransport.
Lærlingar får rabatt
Dagens studentrabattordning vil inkludere lærlingar. For å få rabatt må lærlingar dokumentere retten til det ved å framvise gyldig lærlingbevis ved billettkontroll.
Ektefellerabatt blir fjerna
Medreisande ektefelle eller registrert partner som reiser saman med ein person med honnørrabatt, får ikkje lenger rett til honnørrabatt.
Militært personell i førstegangsteneste
Vernepliktig personell som reiser korte avstandar, har i nokre tilfelle ikkje fått fullt utbytte av rabatten som følgje av ein fastsatt minstetakst. Minstetaksten blir fjerna, slik at vernepliktige får full rabatt i tråd med avtalen.
Følgje til personar med dokumentert behov
Følgje-/ledsagerordninga blir utvida. Tidligare gjaldt ordninga gratis følgje for døvblinde. Endringa inneber at også følgje til personar med dokumentert behov får rett til gratis reise.
Vi viser til dei enkelte kollektivselskapa for meir informasjon om dei ulike billettypane.
Foto: Siv Dolmen