Jernbanedirektoratet Nyheter Trafikkpakkane skal ut på konkurranse

Trafikkpakkane skal ut på konkurranse

Jernbanedirektoratet varslar no at dei tre trafikkpakkane Sør, Vest og Nord skal konkurranseutsettast. For å delta i konkurransen om togtrafikken blir det laga ei kvalifikasjonsordning. Det betyr at togselskapa først må kvalifisere seg for å kunne delta i konkurransen.

Konkurransen blir gjennomført i samsvar med Kollektivtransportforordningen Art. 5.3, samt overordna retningslinjer gitt av Samferdselsdepartementet. I løpet av 1. kvartal 2027 vil Jernbanedirektoratet kunngjere kvalifikasjonsordninga for å kunne delta i konkurransen om trafikkpakkane. Trafikkstart for dei tre trafikkpakkane er planlagt til perioda desember 2029–desember 2030.

Dette er trafikkpakkane

  • Trafikkpakke Sør omfattar fjerntog på Sørlandsbanen, samt lokaltog på Jærbanen og regiontog på Arendalsbanen.
  • Trafikkpakke Vest omfattar fjerntog på Bergensbanen, lokaltog Bergen–Arna og regiontog Bergen–Voss–Myrdal (Vossebanen).
  • Trafikkpakke Nord omfattar fjerntog på Dovrebanen og Nordlandsbanen, regiontog på Trønderbanen, Rørosbanen, Raumabanen og Meråkerbanen, samt regiontog på Nordlandsbanen Bodø–Fauske–Rognan (Saltenpendelen) og Bodø–Mosjøen.

Planlagt varigheit for avtalane er åtte år, med opsjonar på forlengingar i eitt år + eitt år.

Kunngjeringa av at trafikkpakkane skal konkurranseutsettast er gjort i Doffin, databasen for offentlege anskaffingar, samt TED.

Les meir