Tildelingsbrev for 2026

Jernbanedirektoratet har mottatt tildelingsbrev frå Samferdselsdepartementet for 2026. Her får direktoratet viktige styringssignal, fullmakter og rammer for arbeidet.

Kva er nytt i 2026?

Felles prioriteringar for jernbanesektoren: Samferdselsdepartementet har for første gang definert felles prioriteringar for alle verksemdene i jernbanesektoren. Alle verksemdene er gjensidig avhengige av kvarandre, og felles måloppnåing forutset at alle trekker i same retning, går i samme takt og samarbeidar godt.

Verksemdene skal

• auke innsatsen for betre punktligheit
• bidra til vellykka innføring av tilbudsforbetring i 2028 (R28) og innfasing av nye tog
• styrke innsatsen for å avgrense talet klimarelaterte hendingar og konsekvensane av desse
• bidra i arbeidet med neste Nasjonal transportplan for å gi fagleg gode beslutningsgrunnlag for departementet
• bruke tilbakemeldingar frå kundane i større og meir systematisk grad, både togpassasjerane og persontog- og godstogoperatørane, i sitt forbetringsarbeid
• samarbeide tettare for å sikre at informasjonen til dei reisande er lett tilgjengelig, påliteleg og einsarta på tvers av ulike informasjonskanalar, både når trafikken går som normalt og ved avvik

Revidert styringssystem: Alle verksemdene skal legge det reviderte styringssystemet i sektoren til grunn for sin eigen verksemdsstyring og samhandling med andre aktørar. Dette styringssystemet omfattar:

• Eit heilheitleg plansystem basert på Nasjonal transportplan og årlege statsbudsjetter, med krav om konsistens mellom planar i verksemdene og Jernbanedirektoratet sin gjennomføringsplan
• Oppdragsbrev som saman med tildelingsbrev utgjer det samla styringsbudskapet frå Samferdselsdepartementet.
• Eit felles risikostyringssystem for tidleg identifisering, rapportering og handtering av risiko på tvers av sektoren.
• Eit styringsrammeverk for nye tilbodsforbetringar som gjer roller, ansvar og avgjerdsprosessar tydeleg.
• Etablerte arenaer for koordinering under Jernbanedirektoratet si leiing.

11 nye oppdrag: Jernbanedirektoratet har fått nye oppdrag i tildelingsbrevet. Blant anna utgreiing av nasjonalt reisekort, tiltak for reduksjon av klimagassutslipp og forprosjekt for ny togradio (FRMCS).

I tillegg har det kome oppdaterte krav til rapportering og oppfølging. 

Direktoratets mål og hovedprioriteringar for 2026

Langsiktig strategi og overordna mål er dei same som i fjor, og er fastsatt i Nasjonal transportplan 2025–2036. I tillegg har Jernbanedirektoratet sju mål for verksemda som skal bidra til å oppfylle måla i NTP og følge opp jernbanestrategien. Desse blir vidareført frå i fjor. Det same gjeld dei fleste hovudprioriteringar for Jernbanedirektoratet også, med unntak av ein ny hovudprioritering knytt til oppfølging av risiko og tiltak.

Særleg viktige områder for Jernbanedirektoratet å følge opp i 2026:

• Å vidareutvikle verksemdstyringa i direktoratet slik at denne betre understøttar direktoratet si koordinerande og strategiske rolle i sektoren.
• Å fortsatt rette arbeidet for auka driftsstabilitet mot å oppnå konkrete resultater, styrke samarbeidet og presisjonskulturen i sektoren.
• Å sikre eit togtilbud i tråd med regjeringa sine ambisjonar i Meld. St. 14 (2024–2025), Nasjonal transportplan 2025–2036 og Prop. 1 S (2025–2026).
• Tett oppfølging av risiko og tilhøyrande tiltak som blir synliggjort i det heilheitlege risikosystemet for sektoren.
• Å vidareutvikle finansieringsordningane, samhandlingsstrukturen og regelverket for sømløs mobilitet.