Direktoratet si rolle og samfunnsoppdrag
Jernbanedirektoratet skal nå overordna mål om ein effektiv, sikker og miljøvennleg jernbanesektor. Direktoratet skal ivareta den strategiske, heilskaplege og overordna koordineringa og planlegginga av jernbanesektoren.
Jernbanedirektoratet er eit forvaltningsorgan underlagt Samferdselsdepartementet (SD).
Vi ivaretar våre oppgåver og ansvar gjennom tre roller:
- Fagorgan: Som fagorgan har Jernbanedirektoratet eit nasjonalt koordineringsansvar og fagleg ansvar for å samordne sektoren. Jernbanedirektoratet skal på oppdrag, og på eige initiativ, gi faglege råd til SD for å få mest mogleg jernbane for pengane. Vi skal bidra til innovasjon og teknologisk utvikling i jernbanesektoren. Vi skal også arbeide for at jernbanesektoren bidrar til å oppfylle nasjonale klima- og miljømål, og sørge for god sikkerheit på jernbanen.
- Avtalepart: Vi skal inngå avtalar som sikrer at heilskapen og samanhengane i eit velfungerande jernbanesystem blir varetatt. Vår rolle er å vere ein krevande kjøpar på vegne av staten, og utvikle, inngå og følge opp avtalar med aktørane i jernbanesektoren. Vi bidrar også inn i arbeidet med byvekstavtalar.
- Myndigheitsorgan: Vi skal behandle klager i saker etter jernbaneloven om å utføre tiltak innanfor byggeforbodssona, og treffe vedtak om ekspropriasjon til jernbaneformål etter oreigningslova. I tillegg har vi delegert etatsstyring av Norsk jernbanemuseum.
Overordna mål for transportsektoren
Jernbanedirektoratet skal bidra til å nå dei fem transportpolitiske måla som er nedfelt i Nasjonal transportplan:
Mål for Jernbanedirektoratet
For å nå dei transportpolitiske måla har departementet satt sju mål som dei styrer Jernbanedirektoratet på:
- Heilskapleg og koordinert utvikling og drift av eit attraktivt jernbanetilbod.
- God kundeoppleving gjennom høg driftsstabilitet og god avvikshandtering.
- SD får analysar og beslutningsgrunnlag med høg kvalitet og relevans.
- Reisande kan reise saumlaust med tog og annan kollektivtransport.
- Jernbanesektoren er innovativ, deler data og utnytter ny teknologi.
- Bidra til oppfylling av Norges kima- og miljømål.
- Nullvisjon for drepte og hard skadde.
Instruks for Jernbanedirektoratet
Delegert etatsstyring av Norsk jernbanemuseum
Norsk jernbanemuseum (NJM) er eit statleg forvaltningsorgan underlagt Samferdselsdepartementet. Jernbanedirektoratet driv delegert etatsstyring av museet på vegne av departementet, og har det overordna administrative og budsjettmessige ansvaret.
