Gjennomgang av trafikkavtalar
Jernbanedirektoratet har gått gjennom trafikkavtalane vi har med persontogoperatørane, og vurdert behovet for offentleg kjøp av persontrafikk med tog og den framtidige inndelinga av togtrafikken.
Bakgrunnen for gjennomgangen
Trafikkavtalene for trafikkpakkane 1–3 endar gradvis frå desember 2027 til desember 2029. Samferdselsdepartementet har gitt Jernbanedirektoratet i oppdrag å vurdere omfanget og inndelinga av trafikkavtalar på nytt. Endringar i EØS-regelverket medfører også strengare krav enn tidligare knytt til kva som kan avtalefestestast.
Dagens trafikkavtalar
Fjerntog på Sørlandsbanen, lokaltog på Jærbanen og regiontog Arendalsbanen.
Go Ahead Norge har avtale til desember 2027. Jdir er gitt i oppdrag å tildele Vy avtalen frå desember 2027.
Fjerntog på Dovrebanen, regiontog på Rørosbanen, regiontog på Meråkerbanen, regiontog på Trønderbanen, fjerntog og regiontog på Nordlandsbanen, og regiontog på Raumabanen.
SJ Norge har avtale til desember 2028, med opsjon for 1+1 år.
Fjerntog på Bergensbanen, og lokaltog og regiontog på Vossebanen.
Vy tog har avtale til desember 2029, med opsjon for 1+1 år.
Austlandet 1: lokaltog i Oslo-området, regiontog på Follobanen og regiontog på Gjøvikbanen.
Austlandet 2: regiontog i Oslo-korridoren og på Bratsbergbanen
Vygruppen har avtale til 2031, med opsjon på 1+1 år.
Midlertidig direktetildeling i trafikkpakke 1
I påvente av trafikkgjennomgangen skal Jernbanedirektoratet sikre persontogtilbodet i trafikkpakke 1 i ei mellomperiode som maksimalt varer fram til desember 2032. Jernbanedirektoratet fekk derfor i oppdrag frå Samferdselsdepartementet å inngå ein midlertidig direktetildelt avtale med Vy for å kjøre persontog på Sørlandsbanen, Jærbanen og Arendalsbanen frå desember 2027.
Har kartlagt interessa med ein marknadsdialog
I arbeidet med nye trafikkavtalar har Jernbanedirektoratet samla inn eit breitt kunnskapsgrunnlag for å sikre eit godt og heilheitleg togtilbod. For å kartlegge interessa for å drifte heile eller delar av togtilbodet i Noreg utan trafikkavtale med staten, har Jernbanedirektoratet tidlegare gått ut med ein RFI/marknadsdialog (informasjonsinnhenting) til marknaden.
Persontogselskap og andre interessentar kunne gi innspel, og som Jernbanedirektoratet har tatt desse innspela med i den endelige vurderinga av behovet for offentlege tenesteforpliktingar i Noreg.
Utgreiing om framtidige trafikkavtalar
Jernbanedirektoratet har levert ei utgreiing om korleis staten best kan strukturere og forvalte trafikkavtaler for offentleg tenesteyting i framtida, gitt endra regulatoriske rammevilkår og politiske mål. Rapporten er basert på behovs- og marknadskartlegginga, og funn frå trafikkavtalegjennomgangen. Vi har gjennomført oppdraget med utgangspunkt i dei transportpolitiske målsettingane og i tråd med relevant regelverk, medrekna gjeldande EØS-rettslege rammer. Jernbanedirektoratet leverte rapporten til Samferdselsdepartementet 9. februar 2026.
