Jobb i Jernbanedirektoratet

Vi gjer ei grundig vurdering av alle som søker jobb hos oss. Her er stega i rekrutteringsprosessen:

Kvalifikasjonsprinsippet

Som statleg verksemd følg vi kvalifikasjonsprinsippet. Det betyr at den best kvalifiserte kandidaten blir valt for stillinga. Når vi vurderer om ein kandidat er kvalifisert, ser vi på utdanning, erfaring og personlege kvalifikasjonar for stillinga.

Søknad

Ledige stillingar blir lyst ut på nettsidene våre, nav.no og finn.no. For å søke må du registrere ein profil i rekrutteringsportalen vår og fylle ut CV-en din. Vi er pålagt å utarbeide offentlege søkarlister for kvar rekrutteringsprosess. Dersom utdanninga di er frå eit universitet eller ein høgskule i utlandet, ber vi deg sende oss dokumentasjon fra NOKUT som bekreftar studiet ditt i løpet av prosessen.

Vi er ein inkluderande arbeidsgivar, og kallar inn minst ein kvalifisert søkar frå spesifikke målgrupper. Les meir om inkluderande arbeidsliv på Statens arbeidsgivarportal.

Innstilling og tilsetting

Når vi har fullført intervjurunden, skriv vi ei innstilling. Neste steg er å sende innstillinga til tilsettingsrådet, kor representanter frå arbeidsgiversida saman med representantar frå dei tilsette gjer ei vurdering. Viss innstillinga blir godkjent av tilsettingsrådet, skriv vi eit tilbodsbrev til kandidaten som vart innstilt på første plass.

Jernbanedirektoratet lyser ut ulike typar stillingar kvart år. Vi treng medarbeidarar med kompetanse innanfor mange ulike fagområde som jernbanefag, forvaltning, digitalisering, kommunikasjon, økonomi og styring, prosjekt- og prosessleiing, analysar, modellar og statistikk, samt avtaleoppfølging.

Vi ser etter både nyutdanna og dei med lengre erfaring.

Vi oppfordrar alle kvalifiserte kandidatar til å søke, uavhengig av kjønn, kulturell bakgrunn, hol i CV-en eller funksjonsevne. Som IA-bedrift vil vi legge arbeidsforholda til rette for deg som blir tilsett.

Vi tilbyr våre tilsette ordningar og aktivitetar som er meint å bidra til å auka arbeidsglede og motivasjon:

• gode arbeidsvilkår med fleksitid, sommartid, og moglegheit for heimekontor opptil to dagar i veka
• gode pensjons- og forsikringsordningar gjennom Statens pensjonskasse
• godt arbeidsmiljø med hyggelege og faglege gode kollegaer
• gode moglegheiter for personleg og fagleg utvikling
• avdelingssamlingar/seksjonssamlingar, fagdagar og frukostmøter
• medlemsfordelar i SATS og 3T i Trondheim, bruk av treningslokale på lokasjonane i Oslo og Bergen, og fysisk jobbstrekk kvar veke i Oslo og Trondheim

I Jernbanedirektoratet jobbar vi systematisk for å sikre at vi har den kompetansen vi treng for å ivareta samfunnsoppdraget vårt og nå måla våre. Vi har ein kompetansestrategi som skal hjelpe oss å kartlegge og vurdere kompetanse- og bemanningsbehov i eit langsiktig perspektiv.

Vi er også opptatt av at dei tilsette skal kunne få personleg og fagleg utvikling, og har ordningar for etter- og vidareutdanning for alle tilsette. I tillegg er det fleire moglegheiter for utdanning og kompetanseheving i jernbanesektoren.