Trafikkavtalar
Jernbanedirektoratet er oppdragsgivar for anskaffing av trafikkavtalar, som er offentleg kjøpt persontrafikk på jernbanen i Norge.
Anskaffing av trafikkavtalane kan vi anten få ved direktetildeling eller konkurranseutsetting.
Bakgrunn for trafikkavtalane
- I kjølvatnet av Meld. St. 27 (2014-2015) «På rett spor» vart det gjennomført konkurranse for anskaffing av offentleg kjøpt persontrafikk på tog. Hensikta med konkurranseutsettinga var å betre togtilbodet og sikre at staten får meir ut av den totale ressursinnsatsen i jernbanesektoren.
- Solberg-regjeringa utarbeida ein konkurransestrategi kor togtrafikken i Sør, Nord og Vest skulle konkurranseutsettast i perioda 2017–2020. I fase 2 vart det fastsett at togtilbodet i Austlandsområdet skulle eksponerast for konkurranse.
- I konkurransestrategien er det forutsett at all offentleg kjøpt trafikk blir basert på nettokontrakter kor leverandøren har fullt kostnads- og inntektsansvar.
- Trafikkpakkane Sør, Nord og Vest vart konkurranseutsett og tildelt høvesvis Go-Ahead, SJ Norge og Vy tog med trafikkstart i 2019–2020.
- Vidare konkurranseutsetting av persontrafikk med tog vart stansa av Støre-regjeringa i 2021. Jernbanedirektoratet skal i staden kjøpe slike tenester utan konkurranseutsetting.
- I 2022 bestemte regjeringa at togtilbudet på Austlandet skal bli direktetildelt, og at Jernbanedirektoratet skal forhandle med Vygruppen og Flytoget om dei to trafikkavtalane Austlandet 1 og 2.
- I 2023 inngjekk Jernbanedirektoratet trafikkavtalar med Vygruppen for togtilbudet på Austlandet. Trafikkstart var 10. desember 2023.
Oversikt over alle trafikkavtalar
Fjerntog på Sørlandsbanen, lokaltog på Jærbanen og regiontog Arendalsbanen.
Go Ahead Norge har avtale til desember 2027. Jdir er gitt i oppdrag å tildele Vy avtalen frå desember 2027.
Fjerntog på Dovrebanen, regiontog på Rørosbanen, regiontog på Meråkerbanen, regiontog på Trønderbanen, fjerntog og regiontog på Nordlandsbanen, og regiontog på Raumabanen.
SJ Norge har avtale til desember 2028, med opsjon for 1+1 år.
Fjerntog på Bergensbanen, og lokaltog og regiontog på Vossebanen.
Vy tog har avtale til desember 2029, med opsjon for 1+1 år.
Austlandet 1: lokaltog i Oslo-området, regiontog på Follobanen og regiontog på Gjøvikbanen.
Austlandet 2: regiontog i Oslo-korridoren og på Bratsbergbanen
Vygruppen har avtale til 2031, med opsjon på 1+1 år.
Foto: Njål SvingheimGjennomgang av trafikkavtalar
Jernbanedirektoratet skal gå gjennom trafikkavtalane vi har med persontogoperatørane innan 1. februar 2026. Vi skal vurdere behovet for offentleg kjøp av persontrafikk med tog og den framtidige inndelinga av togtrafikken.
